(AFP) – Al menos cuatro hende a muri ayera den un candela na un shelter pa hende sin hogar den sur oriente di Brazil, causa pa un sospechoso piromano, autoridadnan a bisa.
22 persona tabata drumi na e shelter maneha pa un orden religioso den ciudad di Sao Jose dos Campos na estado Sao Paulo na momento cu e candela a cuminsa alrededor di salida di solo. Ocho persona a keda transporta pa hospital cu herida, ministerio di Seguridad regional a bisa.
Polis a detene un homber di 42 aña di edad bao sospecha di cende e candela.
“Un testigo a mira e sospechoso pegando un sofa na candela y despues huy,” e ministerio a bisa den un declaracion, agregando cu ta bay acus’e di candela intencional, asesinato y intento di asesinato.
Motibonan di e sospechoso no ta conoci.
Potret Ilustrativo di AFP
