(InfoBae).- Como 26 prizonero a huy for di un prizon situa na estado di Mato Grosso, situa na linea entre Bolivia y Paraguay, despues cu nan a kibra un muraya cu explosion e prizon di Mata Grande.
Sindicato di servido penitenciario di estado di Mato Grosso (Sindspen-MT) a splica cu e operacion a wordo organisa cu apoyo di un grupo comando, cu tabata pafo di prizon y cu a tira riba polis cu tabata riba e toren di siguridad. Ora cu nan a tira e muraya a explota y 26 prizonero a huy for di luga. Par di ora despues autoridad a logra captura 5 di nan.
Dos homber cu tabata participa den operacion desde afo a wordo deteni tambe, cu cinco arma di candela largo, cuatro arma mas y un scopet caliber 12, cu nan a uza pa nan huy, esaki ta locual medio di comunicacion local a informa.
Secretaria di husticia y Derecho Humano di estado (Sejudh) a splica cu explosion aki a cuminsa pa motibo suhetonan a instala un aparato riba un baiskel, cu tabata cerca di e muraya y un minuut mas laat nan a activa e explosivo desde par di kilometer leu, locual a destrui e muraya cu tabata na banda derecho di baiskel, caminda varios prizonero a huy.
Prizon di Mata Grande tin capacidad pa 828 prizonero, y awor tin mas di 1300. Grupo di muhe cu ta deteni eynan a protesta diahuebs ultimo, pa asina solicita un mayoria riba sistema penitenciario aki.
