Polis di Estado di Rio di Janeiro ta mata un persona cada cinco ora, den un total di 881 pa e prome seis luna di aña.
Di acuerdo cu informacion di ANSA, e aumento di cifra ta coincidi cu lansamento di ‘guera’ contra crimen organisa, a traves di operacionnan ordena pa Gobernador Wilson Witzel.
E sospechosonan cu a cay den man di husticia tabata 14,5% mas cu na mesun periodo di aña pasa.
E number total di morto pa via di violencia y den man di delincuente, tabata di 2083 persona cu ta marca un baho di 22,6% compara cu 2018, gobernador Witzel a informa.
E estadistica ta pertenece na Instituto di Siguridad Publico, un organismo oficial.
Su politica contra delito ta marca un gestion inicia riba prome di januari ora a keda autorisa cu tiradonan elite por bula y tira eventualmente contra e sospechosonan den e favela.
E datonan di Rio di Janeiro riba e baho den cantidad di homicidio ta coincidi cu e number nacional. Esaki a mustra un bahada di 22% di asesinato cu a sosode durante prome tres luna.
E Secretaria di Polis di Rio a publica un nota den cual a specifica cu “e operativo ta plania pa e planificacion previo y ehecuta den e ley”.
Sinembargo, analista a considera e dato cu reserva mayor. Entre nan, e Politologo Joao Trajano Sento cu a observa di forma critico e situacion.
“E porcentahe di fayecidonan aki ta impone cu e gobernador lo reflexiona riba e riesgo cu e estado por laga di ta un promotor di siguridad y lo converti na un segmenta di violencia”.
