(Infobae/AFP) – Como 3.000 miembro di Forsa Arma ta participa den ultimo dianan, hunto cu cuerpo policial, den un amplio operativo contra narcotrafico na varios punto di e area metropolitano di Rio de Janeiro, entre nan e favela Cidade de Deus (Ciudad di Dios), unda tabatin varios enfrentamento den ultimo dianan.

Un parti e efectivonan di ehercito a establece un cerco y a clear e cayanan na Cidade de Deus, mientras cu otro contingente a realisa blokeo y controlnan di inspeccion na e accesonan di  e caretera BR-101, un importante autopista federal cu ta crusa e pais y ta pasa den e capital di estado.

Den e caso di Cidade de Deus, un bario di Rio cu a bira mundialmente conoci a traves di e pelicula di mesun nomber,  e enfrentamento  a intensifica entre e cuerponan di siguridad y supuesto traficantenan desde cu aña a cuminsa, dunando como resultado varios morto  y constante tiroteo.

Forsanan arma ta patruya tambe banda di e Arco Metropolitano (ringweg) rond di Rio, na entrada di Nova Iguaçu, municipio cu frontera cu Rio, di acuerdo cu un comunicado di e Comando Militar di Este (CML) di Ehercito Brasileño. No ta descarta cu e trupanan por actua tambe den e comunidadnan mes, si nan haya orden pa haci esaki, segun vocerio di e Comando Militar, coronel Roberto Itamar den entrevista cu TV Globo.

Igualmente tambe tin un operativo lansa pa polis den e favela di Rocinha, considera esun mas grandi y mas peligroso di Rio de Janeiro.E operativo ta andando desde ayera marduga y ta participa tambe agentenan federal, di caretera, civil y militar di Rio, como tambe miembro di e Forsa Nacional, integra pa polis Elite di e diferente estadonan di e pais.

Espacio aereo a keda restringi pa avion civil,aunke e dos aeropuertonan di e ciudad ta funciona normal, tanto esun internacional di Galeao, como e terminal pa vuelo nacional di Santos Dumont.

Estado di Rio de Janeiro ta den un grave crisis di siguridad desde e celebracion di e weganan olimpico di 2016  y a bira ainda mas serio na inicio di 2018, faltando algun dia so pa inicio oficial di carnaval, e evento festivo cu proyeccion internacional mas grandi di e pais.

E ola di violencia a obliga gobierno central pa manda na mita di aña pasa como 10.000 efectivo di Forsa Arma cu e plan pa nan keda te fin di aña 2018, pero nan presencia no a traduci den un reduccion di violencia.