Gobierno di Brasil temporalmente ta perde su minister mas popular. E antiguo Hues Sergio Moro lo laga e cartera di Husticia durante un siman pa resolve “asuntonan particular”. Moro ta keda para un banda mientras cu e informacion ta sigui aumenta e sospecha di cu el a actua iregularmente ora e tabata hues di e caso Lava Jato.
Presidente Bolsonaro ta perde popularidad; y e hues simbolo di lucha contra corupcion, kende el a pidi pa combati for di Gobierno e marca ey y e crimen cu tanto ta preocupa e ciudadanonan, tambe a mira con e revelacion di su mensahenan priva cu e fiscal a deteriora su imagen manera nunca.
E anuncio di e permiso, sin salario, como e prensa local a destaca, a ser publica dialuna pasa pa e Diario Oficial di Union.
E asunto a hiba Moro dilanti di e Camara di Diputado y Senado, y miles di su siguidonan na manifesta den su defensa, sosteniendo cu por ta e mensahenan kisas ta manipula y ta culpa un grupo criminal cu lo busca reverti e exito den e lucha contra corupcion politico y acusa The Intercept di sensacionalismo.
E Tribunal Supremo lo inicia na augustus, despues di un receso y analisis di un demanda di e abogadonan di Lula pa suspende Moro pa imparcialidad.
