E abogadonan di Lula da Silva a presenta cu exito un habeas corpus preventivo na Corte Supremo, despues cu un magistrado di e tribunal superior di husticia, un nivel di corte mas abao cu e Corte Supremo, a rechasa e mesun peticion aki.
E peticion a bin inmediatamente despues cu el a haya confirmacion di su condena di parti di e tribunal federal di Porto Alegre, na 12 aña y un luna di prizon pa corupcion.
E formula di habeas corpus preventivo ta cu ta presenta e persona en cuestion, cu e ta na disposicion di autoridadnan, pero cu e no por bira victima di otro accion hudicial ilegitimo of arbitrario, en espera den libertad di e tratamento final di su caso pa Corte Superior.
Den otro proceso simultaneo su abogadonan a logra cu un corte di segundo instancia a dicidi cu mester debolbe Lula da Silva su paspoort, cu e mester a entrega segun decision di e hues anterior di Brasilia, pa temor di un posibel huida pa exterior.
Lula tabatin un invitacion pendiente di un reunion di FAO di Nacionnan Uni na Etiopia y e temor tabata cu e por a haci uzo di e oportunidad pa pidi asilo den un pais cu no tin tratado di extradicion cu Brasil. E Corte a haya sin embargo cu ta poco probabel cu Lula lo kier huy y a ordena pa dun’e su paspoort, pa e por biaha libremente.
