(JornaldoBrasil) – Venezolanonan cu tin residencia temporal na Brasil pa dos aña lo por biba di manera permanente na e pais, segun un medida tuma pa gobierno federal.
E medida ta dirigi na reduci e impacto di e crisis di inmigracion di Venezolano na region Norte di Brasil, cu tin frontera cu Venezuela, principalmente na estado Roraima.
Aparte di esaki, e orden ta amplia e beneficionan di legalisacion di e ciudadanonan Venezolano y ta haci e exigencianan di documentacion menos rigido pa e indigenanan di Venezuela cu ta desea di biba temporalmente na Brasil.
Pa solicita residencia permanente na Brasil, e Venezolano cu tin caba residencia temporal pa dos aña, mester pidi e beneficio nobo por lo menos tres luna prome cu e periodo di residencia temporal vence.
E Venezolano tambe no por tin antecedente criminal na e pais y mester presenta documentacion cu ta comproba cu nan tin manera di biba na Brasil pa nan propio cuenta.
Huyendo pa e crisis economico y politico na Venezuela, mas di 40.000 Venezolano a sali di nan pais y ta biba actualmente na Boa Vista, capital di Roraima. Gobierno a anuncia caba cu ta bay ricibi tur e inmigrantenan y distribui nan entre otro capitalnan di estado, manera Sao Paulo y Amazonas.
