Diamars ultimo, Husticia Brasilero a decreta aerolinea Avianca Brasil den bancarota, cu na augustus di 2018 a acoge su mes na ley di bancarota pa purba di restructura su finanzas y sigui opera, pero siman pasa a admiti e fracaso di nan negociacion cu nan debedor.
E definitivo bancarota di e aerolinea Brasilero, un compania independiente di e Colombiano Avianca Holdings S.A aunke ta conta cu e mesun controlado, a wordo decreta pa peticion di e mesun empresa y e hues prome di Kiebra y Recuperacion Hudicial di Sao Paulo, Tiago Henriques Papaterra Limongi.
Den e sentencia cu a declara e bancarota, e hues a establece un plaso di 60 dia pa e empresa presenta su lista di activo, cu lo subasta pa paga e parti di e miyonario debe di e empresa, segun un comunicado di Tribunal di Husticia di Sao Paulo a bisa.
Limongi a agrega cu e mesun firma scogi pa e Husticia pa administra e aerolinea durante e proceso fracasa di recuperacion hudicial, e oficina di abogado Alvarez & Marsal, lo encarga di evalua e bienes di e empresa prome cu su benta.
E hues tambe a pidi e administrador hudicial pa manifesta su mes tocante e conveniencia di e propuesta presenta pa e compania Pacific Bank pa adkiri e activonan di Avianca Brasil. Avianca Brasil a solicita pa declara e empresa bancarota dia 6 di juli ultimo.
Na december di 2018, ora nan a acoge pa ley di bancarota pa purba cu Husticia lo haya un mediacion cu e debedornan y lo permiti pa sigui opera, e debenan di e aerolinea tabata suma 500 miyon real (94.3 miyon dollar).
Pero e balor ey a yega 2.700 miyon real (509,4 miyon dollar) na actualidad pa via di e decision di Agencia Nacional di Aviacion Civil (ANAC) na mei di 2019 pa impedi su operacion pa su situacion financiero critico.
E decision a laga e empresa na tera y sin entrada, y a obliga di entrega back 48 avion cu tabata compone su flota, e gran mayoria di nan tabata di huur.
