Un Hues di Prome Instancia a absolve e ex-Presidente di Brasil Michel Temer (2016-2018) di e delito di obstruccion di husticia, acusacion cu e Fiscalia a presenta durante su mandato, a habri un crisis politico y cu a pone den riesgo su permanencia na e poder, segun fuentenan oficial a confirma
E decision, tuma pa e magistrado di Brasilia, Marcus Vinicius Reis, kende a califica e demanda di e Ministerio Publico como ‘fragil’, a aprecia cu e hecho cu a describi cu esaki no tin peso suficiente pa ‘e inicio di instruccion penal’.
E denuncia a ser presenta na 2017 pa na e momentonan ey e Fiscal General Rodrigo Janot y ta basa riba un combersacion entre e hefe di estado na e momento ey y e empresario Joesley Batista, un di e doñonan di e compania multinacional cárnica JBS, cu a graba esaki den un acuerdo di cooperacion hudicial.
Na un momento di e charla aki, filtra pa e medionan di comunicacion, Batista a bisa Temer na un encuentro priva cu tabata paga pa e ex-presidente di e Camara di Diputado, Eduardo Cunha, preso pa delito di corupcion, pa mantene su silencio, pa loke e mandatario a contesta “Tin cu mantene esey, ok?”
E Fiscalia a interpreta e frase ey como un intento di Temer pa obstrui e investigacionnan pa corupcion cu ta den desaroyo.
Sinembargo, e hues di prome instancia a considera den su veredicto cu e audio utilisa como prueba tin ‘interupcion y ruido’ y cu e dialogo entre Temer y Batista ta ‘hopi distante’ di representa ‘un conducta falso di impedi of obstaculisa’ e investigacionnan di e autoridadnan.
