Profesionalnan di salud Brasileño a haci un movecion pa purba di controla un brote di sarampi cu a yega hunto cu Venezolanonan, hopi di nan hambra y cu malesa, kende mester a bandona nan pais den disturbio economico y politico.
E iniciativa ta yega tras di un brota di sarampi cu a afecta mas cu mil persona y ocasiona morto di 3 mucha, cu a yega un tiki despues cu e enfermedad a wordo extermina na aña 2016. E casonan di sarampi ta concentra mas tanto den e estadonan den parti nort di Amazonas y Roraima, unda miles di refugiado Venezolano ta crusa e frontera pa purba di reconstrui nan bida. Hopi di nan tin malesa y no a ricibi ningun vacuna, ya cu e cuido medico na nan pais ta den crisis.
“Si nos poblacion den area nort, cu a duna un bon bini na un grupo asina grandi di Venezolanonan, lo a ricibi nan vacuna, nos no lo tin e problema di un brota na e momento aki”, Isabella Ballalai, presidente di e sociedad di inmunisacion Brasileño, a bisa. “Nos problema lo ta hopi mas chikito.”
Esey tabata e caso desde 2000 te cu 2013, ora cu mayoria di Brasileño tabata proteha contra e enfermedad, y a stop cualke virus di sarampi cu a yega for di exterior prome cu e por a contagia otronan. Pero aña pasa, unicamente 70% di e poblacion a ricibi tur dos dosis di vacuna contra sarampi. Sarampi ta un virus hopi contagioso cu ta contagia pa via di tosamento y nister, y ta causa sintomanan manera nanishi cu ta core, iritacion di cuero, y sacamento. Sin tratamento, e por ta mortal.
E campaña di vacunacion di e aña aki tambe ta inclui vacuna contra polio, cual oficialnan ta preocupa lo por yega bek na e pais Latino pasobra vacunacion a disminui. Den e estadonan cu a raporta casonan mas critico, profesionalnan di salud ta partiendo vacuna gratis den clinica, y tambe bay cas pa cas.
Awo, autoridadnan lo bay pa un cobertura total na nivel nacional: e meta ta pa vacuna sikiera 95% di tur mucha di edad 1 te 5 prome cu fin di luna.
