Husticia di Brasil a condena diahuebs ultimo na 19 aña y 4 luna di prizon na e medium Joao Teixeira de Faria, conoci como Joao de Deus pa crimen sexual cometi contra cuatro muhe durante e sesion cu tabata realisa na su centro spiritual, fuentenan oficial a informa.
E sentencia, referi pa e prome denuncia formalisa pa e Fiscalia, a ser pronuncia pa e hues di e caso, Rosangela Rodrigues, na e ciudad di Abadiania, na estado di Goias, despues cu e magistrado a considera cu Joao de Deus a haya e cuatro violacion di cual e ta ser acusa.
Dos di e victimanan, segun e Tribunal di Husticia di Goias, a ser abusa sexualmente durante un consulta spiritual den conhunto, ambos tabata presente, mientras cu e otro dos a ser viola individualmente. E cuatro suceso a sosode entre april y october di 2018.
E curandero, di 77 aña di edad y un di e mas famoso di Brasil, ta deteni den e prizon di region metropolitano di Goiania, e capital regional di Goias, un poco mas di un aña, despues di a ser acusa di comete abuso sexual contra por lo menos 335 hende muhe.
“Te cu awor, e sentencia a sali no pa motibo cu el a cumpli un aña di prizon, sino cu debi na complehidad di e caso. No tabata tin manera di haci esaki den un tempo mas corto”, e magistrado a destaca dilanti periodistanan.
Ademas, e hues a splica cu el a calcula e castigo teniendo como base e rekisitonan di e codigo di proceso penal y cu e unico hustificacion aplica den sentencia aki tabata e hecho cu e medium tin mas cu 70 aña.
