Cinco biyonario Brasileño tin entre nan un rikesa cu ta ekivalente na e entrada di e mita mas pober di e poblacion di e pais, di acuerdo cu e datonan di un informe divulga ayera 22 di januari pa e ONG Britanico Oxfam, na bispo di e Foro Economico na Davos, Suiza.
Segun e informe di recompensa trabao, no rikesa e cantidad di biyonario a crece na 2017 na Brasil te un total di 43 persona. Di nan, cinco ta concentra un entrada igual na esun di mita di e poblacion mas pober, cu ta consisti di 104 miyon persona.
E patrimonio di e biyonarionan Brasileño a alcansa e balor di R$ 549 biyon (US$ 180 biyon) un aumento di 13% compara cu 2016.
Di otro banda, e Brasileñonan di e clase mas abao di entrada a mira nan entrada cay cu 2,7% te na 2,% di e patrimonio nacional. Cu apenas un salario minimo, un Brasileño lo mester traha 19 aña pa gana e entrada mensual di un biyonario. Brasil a yega te na 75 biyonario, despues esaki a cay, gran parti pa via di inflacion. Mientras tanto den e ultimo tres aña tabatin un aumento atrobe den e cantidad di biyonario.
Mundo e reporte a duna tambe un balans di e situacion di concentracion di entrada na mundo. Di acuerdo cu Oxfam, di tur e rikesa genera na mundo na 2017, 82% a bay den man di e 1% mas rico riba e planeta. Pa loke ta esaki, e mita mas pober di e poblacion mundial, 3,7 biyon di persona, no a keda cu nada.
Mundo a haya un biyonario acerca cada dos dia, entre maart 2016 y maart 2017, hibando e total di biyonario na mundo na 2.043. Nuebe di cada dies di nan ta hende homber.
