E enfermedad nobo a yega na Manaos na maart, memey di temporada di yobidanan. Sikiera esey tabata momento cu autoridadnan a detect’e pa prome biaha na e capital di estado Amazonas, cu tambe ta un region lehano y internacional.
Un caminda precario cu ta conecta e ciudad cu resto di e pais, y otro districtonan cu tin un distancia di oranan cu boto. Pero e vegetacion tropical y fauna ta atrae normalmente e cruceronan di turista, y empresarionan di henter mundo cu ta bula te eynan pa bishita e zona di comercio liber. October ultimo, Manaos a manda un delegacion pa China pa busca inversionistanan.
E prome victima mortal di e virus a reporta dia 25 di maart y desde e momento ey, e cantidad di morto a aumenta. Pero debi na falta di prueba, 5% di e mas di 4.300 persona dera na april y mei a wordo confirma di casonan positivo di Covid-19, segun e estadisticonan di funerarianan local.
Pa acomoda e cantidad di caha di morto, e santana publico Nossa Senhora Aparecida a destrui un zona di un bosque tropical pa habri buraconan den tera y dera e mortonan eyden.
E grafnan comun aki a provoca e rabia di famianan di e mortonan riba autoridadnan municipal. “Pakico e curpanan di nan sernan keri mester dera di e forma ey si no tin evidencia cu su fayecimento a wordo causa pa Covid-19?”, nan a puntra.
Gobernador di Amazonas Wilson Lima, aliado cu Bolsonaro, tambe a kita importancia pa e menasa desde e prome momento. “Tin un histeria y panico grandi” dia 16 di maart ultimo, tres dia despues di e confirmacion di e prome caso na Manaos di un muhe cu a biaha pa Europa. E mesun dia ey e declara estado di emergencia, pero su medidanan inicial a wordo limita: e cancelacion di acto publico organisa pa estado, suspension di klasnan y bishitanan na prizon.
