Cu un reforma di pension sin apoyo, y e promesa sin cumpli riba e porte di arma mas flexibel, presidente di Brasil, Jair Bolsonaro, no a logra impulsa su politica na e Legislativo. Riba e cayanan e polarisacion ta evidente.
“Mi no kier pleita cu Parlamento, y mi ta kere cu Parlamento tampoco kier pleita cu mi. Antiguamente, e presidente nobo tabata distribui e ministerionan na partidonan politico (pa cambio di apoyo). Pero esey a caba, Bolsonaro a añadi pa Tv Record.
E comentarionan a bin despues di un jornada di mobilisacion na diferente ciudad de Brasil diadomingo 27 di mei ultimo, pa mustra respaldo pa e mandatario y pone presion riba Congreso.
Segun e pagina di internet G1, a registra den marchanan di respaldo pa e mandatario diadomingo pasa den sikiera 156 ciudad.
Pa hopi di e manifestante di diadomingo pasa, ta e sistema politico di e pais cu a obstaculisa e gobierno di Bolsonaro. Segun su siguidonan, e mandatario ta nenga pa cay den e intercambio tradicional di fabornan na Brasilia.
Congreso Brasileño tin plan pa tramita e reforma clave di e Gobierno di Bolsonaro: esun di pension y poder hudicial, cu mester garantisa cierto cambio legislativo, manera e decreto cu ta amplia e derecho di porte di arma.
Na final di april, e cifra di aprobacion di Gobierno di Bolsonaro tabata ubica na como 35% dilanti di un 31% cu tabata consider’e regular, y 27% cu ta cualifica e presidente di hopi malo, di acuerdo cu e Instituto Ibope.
