Ministernan di Husticia y Siguridad Publico hunto cu Asuntonan Exterior di Brasil a emiti un orden den cual ta establece como norma pa evita e entrada na Brasil di funcionarionan di gobierno Venezolano, kende pa nan actonan, ta contradeci e principio y obhetivonan di e Constitucion Federal, ta viola e democracia, e dignidad di e persona humano y e permanencia di derechonan humano.
E medida di e ehecutivo a drenta na vigor ayera y e nomber di e personanan cu no lo por drenta na teritorio Brasilero lo inclui den un lista detaya cu e Ministerio di Relacionnan Exterior lo prepara.
Segun e documento, cu a ser firma pa e canciyer Ernesto Araujo y e Minister di Husticia, Sergio Moro, e resolucion aki ta coresponde na un declaracion di e Grupo di Lima, cu a sosode na principio di aña, den cual a clasifica como ‘ilegitimo’ e presidencia di Maduro y ta reconoce Juan Guaidó como ‘presidente encarga’ di e pais Caribeño.
“E lista menciona por wordo actualisa pa e Ministerio di Relacion Exterior y mester manda pa e Ministerio di Husticia y Siguridad Publico”, e escrito a indica.
E medida ta ahusta pa e postura di ehecutivo di Jair Bolsonaro, cu semper a mustra hopi critico riba e gobierno di Maduro y nan aliado.
