(AP) — Casi un siman despues cu e fanaticonan di Apple colectivamente a spanta pa e prome evidencia cu e boton cora pa cera yamada riba iPhone pronto lo ta bandonando su posicion pa muda na un columna banda drechi, ta parce manera esaki por tabata mas tanto un alarma falso.
E shock inicial a yega despues di e lansamento di e version test, of beta, di iOS 17 siman pasa, e proximo update mayor di e software operacional di iPhone. Eynan ta unda usuarionan a mira pa prome biaha e boton pa cera yamada, cual tradicionalmente ta biba den isolacion esplendido den center bao di botonnan di funcion manera “mute,” “keypad” y “speaker,” y na su lugar uniendo su compañeronan y tumando un posicion mas asimila den e skina abao banda drechi den un block di seis boton.
Awo, sinembargo, imagennan di e beta iOS17 mas recien comparti pa varios website ta mustra e boton cora back den centro di e dialpad di e celular, hopi cerca di unda e tabata semper. Pero ainda e no ta su so; awo e ta den e di dos rij, den centro di e block di seis boton aki, unda ta parce pa reta bo pa purba di cera e yamada sin tambe habri e keypad of accidentalmente agrega otro participante na bo yamada.
Sinembargo, mester menciona cu semper ta dificil pa haci conclusionnan firme for di lansamentonan beta, cu tin intencion pa tanto yuda ingenieronan resolve “bug” como pa midi e reaccion di e usuarionan pa cu cambionan chikito y grandi. Pues nan naturalesa ta experimental, y algun experimento ta bay miho cu otro.
Pero no tin mas escogencia pa awo sino specula si e movementonan di e boton pa cera yamada a culmina. Apple tipicamente no ta duna comentario riba su proceso di diseño – ni hopi otro cos – y no a responde na un solicitud pa comentario for di Associated Press.
