(NLTimes) – Boticanan ta enfrentando un escasez di empleado cu ta keda crece. Tambe nan ta enfrentando un escasez regular di demasiado tiki medicina pa provee clientenan.
E precion riba e boticanan lo keda aumenta pa motibo cu e forsa laboral den e sector aki ta keda avansa den edad, analistanan di ABN Amro a adverti.
Segun e reportahe publica riba diaranson, mas o menos 1 den cada 6 empleado na un farmacia ta di edad riba di 60 aña. Pa motibo aki ABN Amro ta premira “un fluho di empleado den e sector cu lo retira” den e siguiente 10 añanan. Den algun bario, esaki ta “pone presion riba e continuidad di cuido.”
Ademas, e clientenan di e boticanan lo cambia di “clientenan ocasional na pashentnan cronic, y na final yega na bira pashentnan cu lo tin mester di cuido mas intensivo.” E pashentnan aki tin mester di mas medicamento compara cu awo, y e empleadonan di e boticanan lo tin mas trabao, dunando e pashentnan e medicamentonan corecto y e educacion pa usa nan di e manera apropia. Pa motibo aki e ta crucial pa e empleadonan di un farmacia traha bon cu e dokternan y enfermeronan den e districto, ABN Amro a splica.
