Mientras nos ta drenta den temporada di horcan, bo salud y bienestar lo ta un prioridad. Fuera di sigura bo cas, ta importante pa prepara pa posibel desafionan relaciona cu bo salud. Mi persona lo duna algun conseho esencial pa yuda bo mes y bo famia keda saludabel y safe durante e temporada di horcan.

Preparacion di Medicamento

  • Sigura bo tin suficiente medicamento cronico pa dura te na final di e temporada. Corda pidi mas y busca nan na tempo pa evita problema na ultimo momento. Tene na cuenta si cu e maximo cu por busca na Botica ta pa un duracion di 3 luna.
  • No lubida di inclui medicamentonan sin receta (Over-the-Counter): manera remedi pa dolor, anti-acidonan y medicamento pa alergia den bo kit di emergencia.
  • Informacion Medico den Casonan di Emergencia: Mantene un saco cu ta resistente contra awa cu informacion medico, lista di medicamento, alergia y contacto di emergencia.
  • Tene na cuenta con bo medicamento mester wordo warda, por ehempel, na ki temperatura e mester ta den caso cu coriente bay, con largo medicamento lo wanta pafo di frishider, etc. Pa mas informacion bishita bo boticario pa conseho personal tocante bo remedi.
  • E ta importante pa tene un lista actualisa cu bo medicamento. Esaki ta crucial pa tin den tur momento, pero mas importante den casonan di emergencia durante temporada di horcan.

Esencial den First-Aid Kit

  • Pleister y Verband: Tene pleister, gasa steriel y tape pa gasa pa herida.
  • Anti-bacteria: Inclui wipes of likido pa limpiesa di herida y prevencion di infeccion.
  • Thermometer: Controla bo temperatura cu un thermometer digital, specialmente durante un situacion di emergencia.
  • Remedi pa dolor: Tin remedinan pa dolor cu por wordo cumpra sin receta manera paracetamol.
  • Medicamento pa Alergia: Trata alergia relaciona cu tormenta cu antihistamina manera cetirizine.
  • Herment: Warda tweezer y sker pa saca splinter y corta verband
  • Manual di First-Aid: Inclui un guia pa proceduranan esencial den first-aid

 

Preveni Enfermedad

  • Higiena di Man: Laba bo man frecuentemente cu habon y awa limpi. Uza hand sanitizer (60% alcohol) ora awa ta scars.
  • Awa: Sigura cu e awa ta limpi/sin bacteria safe door di herb’e of uzando tabletnan di purifica si ta necesario.
  • Cuminda: Come tur loke no por warda largo prome y mantene frishider/freezer sera durante momento cu no tin coriente.
  • Evita Awa Para: Evita awa para pa preveni cualkier infeccion.
  • Mantene bo mes informa: Sigui guia di autoridad local riba evacuacion y medida di seguridad.
  • Bo Salud ta valioso: Semper sea prepara ta e clave di proteccion. Como bo botica di confiansa, nos ta akinan pa sostene bo salud y seguridad durante e temporada di horcan. Tuma contacto cu nos si bo persona mester di cualkier asistencia cu medicamento of equipo pa bo salud.