Despues cu Parlamento a entrega su preguntanan na Gobierno den curso di siman, den un par di ora ya Gobierno a core contesta un cantidad limita di e preguntanan. Ta un berguensa cu un Presidente ta ‘dans naar de pijpen’ di Otmar di e forma aki, pa colmo di un fraccion cu boca grandi ta grita tur ora sin miedo.

Otmar ta cuminsa na bisa cu e ta contesta algun di e pregunta so pasobra ta solamente un ‘beperkt tijdbestek’ el a wordo ‘gegund’ pa e por contesta. Pero e ta asina astuto, di cu a pesar cu ta e kier ‘bulldoze’ e ley aki, e ta pasa Presidente di Parlamento y esunnan di coalicion dos wanta, door di tira culpa riba e stempelparlement, paso ta nan no ta dun’e tempo. Y ta esey ta e motibo pakico ta solamente un cantidad limita di e preguntanan SO e lo contesta. Ta solamente preguntanan cu e como amo di e harlekinnan di su ‘poppenkast’ ta haya importante! Si cu esaki e no ta haci e parlamento un ‘op en top’ stempelparlement, ta kico mas mester pasa pa e parlamento bisa e gobierno POREDmep aki ta basta?

Mescos cu ta e caso den su contestanan riba e preguntanan y remarcanan di Raad van Advies, den e contestacion aki na e stempelparlement ta simplemente “beat around the bush” sin contesta nada concreto. Alabes ta “verwijs” na documentonan cu el a “lubida” den manda.

“Stakeholders” a wordo yama pa reuni cu e stempelparlement y haci un serie di pregunta pero ningun caminda por lesa cu e minister ta tene cuenta cu nan, e ta simplemente na un forma sumamente arogante y omnipotente ta bisa nan “I don’t give a damn” cu boso preocupacion. Pakico? Pasobra prome cu e bay baña den e miyones cu el a acumula durante su trayectorio den e mundo politica, e kier pone un cero mas riba su cuenta di banco. Pa asina ey na december ora cu e baha, e por baña den su “Jacuzzi” yena cu dollar, te ora cu e bay cobra pension aki 17 aña! Cu esaki e stempelparlement ta haci tur esunnan cu a perde nan tempo pa bay reuni cu nan pa “spectakel”!!

Cu e ley aki, lo bay duna un compania stranhero e monopolio pa “verwerk” e sushi di Aruba y eventualmente sushi di otro paisnan. Esaki no ta importa e Scorpion un bledo. El a dicidi cu e lo yuda su amigonan aki y ningun hende lo strob’e. Y no ta import’e pa uza TeleAruba, cu a bira TelePOR pa ‘brainwash’ nos pueblo cu ta incinerator basa riba ‘Waste to Energy’ ta e solucion. Y den esaki e fundacion di Parkietenbos tambe ta wordo maluza, of miho bisa, nan ta hunga e wega hunto cune! Ta cuanto nan tambe ta haya?

Cu e pueblo lo mester bay paga su mes blauw pa e “sprookje” di W2E e no ta “give a damn”!

Cu e ley aki hunto cu e contract cu e lo mester firma cu e compania amigo stranhero lo bay haya regalo di miyones tampoco Otmar ta “give a damn”! Cu trabou di centenares di hende local ta coriendo riesgo pa perde trabou tampoco ta import’ele un bledo. Cu creamento di SU serli-bank, esey si e ta percura p’e. Straño ta cu e tigernan di papel cu antes a cuestiona e ATA-bank ta “muisstil”!! Dicon?? Miedo cu gobierno POREDmep ta bay cas?

Bienestar di nos pueblo no ta conta mas? Na unda e parlamento nobo, otro, critico y diferente a keda? Nos no a mira ningun pregunta y sigur ningun contesta riba cuanto e joke di “sprookje” di W2E lo bay costa nos pueblo al final. Tambe un hustificacion di e prijs cu kier impone, particularmente esun adicional pa esunnan cu no ta haci uzo di Serlimar su servicio. Tampoco cu cuanto nos debe nacional lo bay subi cu e PPP aki.

Tin hopi mas pregunta y preocupacion pero e Scorpion no tin mucho tempo, nos mester tene cuenta cu su tempo ta hopi limita, dus e “mag” di su harlekinnan di “bulldoze” e ley aki.

Mare nos stempelparlement tabata asina ora cu ta trata di e ley di riba “zedendelicten” of “financiamento di partidonan politico”!

Pero e prioridadnan ta completamente robes. Awor e prioridad ta pa pone e ceronan riba e cuenta di Otmar. Corda Otmar tin 17 aña mas di biba prome cu e bay cu pensioen pues e mester di e miyones pa por keda biba “lekker”!Y cu pueblo y comercio ta pasa den duro, e no ta “give a damn”! OTJE POTJE ta manda y “iedereen danst naar zijn pijpen” y presidente di Parlamento ta haci su maximo esfuerso (den su rol do yoyo) pa complace cune, paso e sa cu e tambe tin mester di e “oxigeno” pa e por keda presidente di e stempelparlement cu e ta fortificando!

E cos aki ta laga nos corda riba e 2000 pagina di e contracto strangulante di Citgo cu 20 parlamentario a vota p’e y despues toch tur 21 a bras’e y bay bringa pa e trofeo ta ken a percura pa e contracto aki. Pero e colaboracion di Presidente di Parlamento y si e ley wordo pasa, nos ta spera cu nan tur sa di carga nan responsabilidad tambe. Ban wak si e biaha aki si Parlamento para e minister abusado aki.