Betico Croes den un sclamacion di desespero a denuncia su propio gobierno cu no tabata sirbi interes general. Actualmente Aruba ta pasando door di un periodo dificil, NO pa motibo di e pandemia so pero pa motibo di mal gobernacion, corupcion y un falta di vision y liderazgo. Un gobierno mediocre cu a priminti di tin e solucion pa e mega debe cu e la hereda pero sinembargo a presenta como unico logro entrega di nos autonomia.
Te ki dia nos mester sigui acepta corupcion door di e gobierno? E ta un berguensa tanto investigacion contra diferente Minister di e gobierno anterior. Den 3 aña parlamentarionan mester a tuma nan retiro y a manda un Minister cas pasobra e tabata papia e berdad. Un berdad cu no tabata cumbini e gobierno, pasobra Otmar Oduber lo sapatia.
Un persona cu ta wordo investiga tambe pa corupcion.
Pakico UPP ta urgi e gobierno retira? UPP como unico partido politico a boga pa un “Zakenkabinet”!. E motibo ta cu UPP a premira cu pa Aruba sobrevivi, lo tabata necesario tuma medidanan impopular manera Betico Croes a haci despues di cierre di Lago. E no a pensa riba e siguiente ELECCION, pero riba e bienestar general di e siguiente GENERACION. MEP a wordo exclui e tempo ey di e prome gobierno den e Status Aparte, pero e medida a scapa Aruba y a crea un desaroyo economico fenomenal.
E gobierno actual a sucumbi pa presion y abuso politico Hulandes pa falta di vision delinea den un Compromiso Nacional. Falta tambe di capacidad, curashi y determinacion. A prefera di apoya un Minister cu a haci mofa di gobernacion y enbes di para pa berdad a conspira pa retira e minister.
E cherry riba e bolo ta e dos caso den Corte cu a expone e manipulacion di e gobierno. Un minister “culpabel” di a ehecuta integridad y transparencia. Parlamentarionan cu ta sostene gobierno y e Presidente di parlamento a bay todo por todo, hasta pa medio di actonan penal, pa retira e minister. Ora cu esaki no a logra, Ministerraad den su totalidad a logra retira e minister cu mentira y falta di integridad. UPP ta considera e gobierno a haci suficiente daño y mester tene honor na nan mes y entrega nan retiro, pasobra di e STETEMPELPARLEMENT no por spera nada bon y esaki lo percura pa NO ZINK Aruba mas ainda!
