Actualmente na Boneiro Fundacion Caritas ta celebra 106 aña di inmigrante y refugiadonan . Fundacion Caritas lo pone atencion e aña aki riba e hendenan cu ta bandona nan hogar pa biba na un otro Pais y of cu nan ta bandona nan hogar pa bay biba otro estado den nan propio pais. pa motibonan economico, persecucion, criminalidad y guera. Esaki ta trata di refugiadonan den propio pais tambe.
Actualmente rond mundo tin mas cu 41 miyon inmigrante. E reflexion ta pa relaciona e tema di e aña. Tur dia nos por mira den medionan di comunicacion cuanto hende ta huy pa motibo di guera y persecucion. Fundacion Caritas Boneiro kier haci un yamada pa nos pone atencion riba e topico aki pa nos sea consciente cu na Boneiro tambe tin inmigrantenan, refugiadonan di local y internacional cu ta biba den situacionnan menos faborabel.
Nos por pensa riba e.o. nos rumannan cu ta biba den tension familiar, persecucion dor di criminalidad y situacion economico desfaborabel y cu ta busca refugio y ta haci cu nan ta bay den e direccion di criminalidad pa nan por Sali di e situacion cu nan ta biba aden.
Tambe nos mester ta consciente den e situacion cu e inmigrantenan y refugiadonan cu ta laga nan pais y bin busca un bohio cerca nos pa por tin un biba cu tin paz y trankilidad sin niun clase di persecucion. Na e momento aki nos tin inmigrantenan, cu pa motibo di e pandemia no tin salida pa ricibi ayudo.
Esaki pa motibo cu nan status di estadia no ta indefini y ta pone cu nan no ta ricibiendo yudansa manera otro ciudadanonan afecta pa e pandemia actual. E dia aki ta un dia tambe pa nos reflexiona con nos ta atende cu nos inmigrantenan aki na Boneiro, di moda cu nan por tin un biba digno y cu prosperidad personal.
