Boneiro ta e prome isla den Caribe cu structuralmente, segun e metodo cientifico Ospar, ta purba ataca e fenomeno di sushi riba costa.
E meta di Clean Cost Bonaire (CCB) ta pa por medio di investigacion mustra cu tin mester di medidanan concreto contra e sushi cu ta yega Boneiro via costa. E unico manera pa haci esaki ta pa trece e cifranan preocupante relaciona cu e sushi aki na atencion di e gobierno local y di e gobierno Hulandes.
CCB ta un programa di ciencia di ciudadano (citizen science) cu a cuminsa un aña pasa pa monitor e sushi cu ta yega Boneiro. E proyecto ta un iniciativa conhunto entre Boneiru Duraderu y e Wereld Natuur Fonds (WNF). Durante e prome aniversario di e programa boluntarionan a piki 1.530 articulo di Te Amo Beach riba un distancia di 50 meter, riba cual nan a haya 815 filtro di sigaria. Te Amo ta un beach popular y e ta bishita pa tanto local como turista como luga di recreacion. E beach ta un sitio importante pa turtuga.
Coordinado di CCB Carolyn Caporusso a raporta despues di 1 aña cu tin un total di 50.178 articulo inventarisa riba 3 beachnan. 2 di nan ta riba e costa di oost di e isla, Boka Onima den noordoost y Piedra Pretu den zuidoost.
