KRALENDIJK – Riba e pregunta si ‘El Libertador’ Simon Bolivar e dianan aki no ta boltro den su tumba, Claudia Noriega ta contesta: “comporlaga!” E boluntario di e asociacion di interes VENEX Boneiro sa masha bon ken e luchado famoso pa independencia sur Americano ta.

Na Boneiro tambe ta colecta articulo di auxilio y remedi pa Venezuela. Tur cos cu colecta mester bay e hub na Corsou. E presidente interino di Venezuela Juan Guaidó diasabra a spera di ricibi e prome articulonan di ayudo, pero presidente Nicolas Maduro a cera frontera pa evita esaki.

Remedi caro
Un gran parti di Noriega su famia ta biba na Caracas, entre nan su mama y tantanan. Pe ta doloroso pa tende cu un famia tin keintura of un infeccion y no por haya algo pa pasa dolor of antibiotica.

“Mi suegro un dia tabatin mester di remedi pa baha presion. No por a haya esaki niun caminda. Nos a manda poco for di Boneiro. Mientras cu riba su edad halto e mester tuma un remedi asina tur dia. Binti aña pasa tabata normal cu bo por a haya algo asina na botica na Venezuela. El a bira algo exclusivo.”

E Venezolano ta mustra un papel basa riba e balor oficial di dollar di gobierno Venezolano DICOM di 14 di februari ultimo. “E ta masha caro na Venezuela. Mientras e sueldo minimo ta 5.45 dollar.” Segun e lista un caha di cos pa pasa dollar so ta costa 16,90 dollar caba. Antibiotica ta 28.80 dollar.

E estatua di Simon Bolivar na Playa ta mustra bandona. E Venezolano Bolivar den siglo 18 tabata ‘El Libertador’ di Venezuela, Colombia, Ecuador, Panama, Peru y fundado di Bolivia. Algun meter mas leu na Wilhelminaplein tin un grupo chikito di hende para. Muziek Venezolano ta zona.

Tras di un di e dos mesanan na Wilhelminaplein tin diferente boluntario pa bende T-shirt. Cu e ganashi ta cumpra articulo di auxilio. Na e otro, tapa cu un bandera Venezolano, tin producto manera cuminda di baby, hariña di funchi, hariña di pan y sucu. Hende ta bini y bay. Un homber ta trece dos saco di plastic blanco yen di producto. “Pa yuda e hendenan na Venezuela.” E ta cuminsa yora. Un boluntario ta tuma entre otro e papel di W.C, zeta dushi i e blekinan. “Su famia ta biba na Venezuela y p’esey e ta emociona”, e ta bisa poco poco.

E intencion di Guaidó tabata pa ricibi e prome articulonan di auxilio riba 23 di februari, dia di libertad. Esey no a logra. Te dia di awe no a logra pa hiba articulo di auxilio Venezuela.