Colegio Ehecutivo a scoge pa oficialmente proclama 3 di december como ‘Dia Mundial di Hende cu Limitacion’ pa Boneiro.
Colegio Ehecutivo ta haña importante cu personanan cu un limitacion na Boneiro ta haña atencion positivo cu enfoke riba nan posibilidad nan. Pa e motibo aki Colegio Ehecutivo ta boga pa personanan cu un limitacion por participa completamente den comunidad Boneriano.
Internacionalmente ta celebra e dia aki riba 3 di december. E intencion tras di esaki ta pa duna animo na e personanan aki y tambe pa tene e discusion tocante derechonan humano y oportunidad nan igual pa hendenan cu un limitacion den comunidad riba agenda.
Cu e dia aki Colegio Ehecutivo kier tira luz riba personanan cu un limitacion y pidi atencion pa e limitacionnan cu nos comunidad tin relaciona cu laga personanan cu un limitacion participa completamente.
