(BES-reporter) – A pesar di incertidumbre anteriormente si lo kibra of no e record anterior di yegada di turista, Tourism Corporation Bonaire (TCB) awo a comunica cu a kibra e record anterior na 2023 cu 169,706 bishitante stay-over.
E cantidad di turista stay-over ta mustra un aumento di 8% compara cu 2019. Bishitantenan Hulandes a conta pa 47 porciento di e total, sigui pa Merca (23%) y Corsou (14%).
E isla a experimenta tres aña consecutivo di crecemento anual, atrayendo un mescla diverso di bishitante nobo y cu ta bolbe. Notablemente, 60% di bishitante na december tabata hente cu a bolbe. Mayoria a bishita pa vakantie (52%), cu buceo como un atraccion significante. E acomodacion preferi pa mayoria di turista tabata hotel of resort (56%).
E encuesta di salida di TCB ta refleha un satisfaccion halto, cu un probabilidad di 93% pa recomenda Bonaire, un rating di estadia general excelente (92 di 100) y un probabilidad di 91% cu lo bishita back.
Director di TCB, Miles Mercera a expresa entusiasmo pa e resultadonan, elogiando resiliencia di Bonaire y sosten di comunidad como e forsa tras di e exito den sector turismo.
