E corant Bon Dia Aruba ta cay bou di e compania Caribbean Speed Printers NV, un compania local estableci na 1991, editor tambe di Aruba Today.
Resumen di trabou:
E team di redaccion ehecutivo ta responsabel pa e operacion diario di Bon Dia Aruba. Na cabes tin e hefe di redaccion cu ta delinea e maneho y hunto cu tres redactornan ehecutivo ta carga e operacion diario. E redactor ehecutivo ta responsabel pa mantene Bon Dia Aruba riba e nivel di calidad, ta planifica noticia y personal, ta redacta y controla contenido y layout. Den e capacidad aki lo dirigi redactornan, personal di layout y colaborado.
Exigencia:
● Experencia den periodismo
● E capacidad pa tuma responsabilidad, actua lihe y tin perseverancia.
● Por comunica riba un nivel excelente pa asina por guia, dirigi y motiva un
team.
● Por planifica y structura trabou
● Ta un ehempel y estimulo pa su coleganan
● Interesa den investigacion, creativo cu un interes berdadero den e ser humano,
luga, eventonan y desaroyonan local, regional y mundial
● Un actitud pro activo, flexibel, dedica y traha cu pasion
● Habilidad pa skirbi
● Papiamento, Hulandes, Ingles. Spaño ta un plus
● Conocemento di layout pa corant
Nos ta ofrece:
CSP/Bon Dia ta ofrece un posicion den un ambiente dinamico, innovativo y cu oportunidad di crece. Salario y beneficionan ta di acuerdo cu e nivel di experiencia. Si bo ta reconoce bo mes den e profiel aki, por fabor manda bo carta di solicitud y dirigi esey na atencion di HR Department, Weststraat 22, Oranjestad, Aruba of via e-mail pa: human.resources@cspnv.com
Pa mas informacion riba e posicion, tuma contacto cu sra. M. Engelhart na telefon 582-7800.
