Durante e prome simannan di luna di juni, Bon Dia Aruba tabatin e campaña di Dia di Tata, ‘Mi tata, mi heroe’, unda lectornan por a participa pa gana tremendo premionan pa nan heroe.
E campaña a clausura siman pasa, y durante weekend a saca e ganadornan.
Durante e campaña, participantenan mester a busca paña y accesorionan y bisti e popchi representando nan tata, y tambe conta nos pakico nan tata ta nan heroe.
Aki nos ta presenta e ganadornan:
Na prome lugar, Madeline Avila a gana un regalo pa su tata, Alejandro Avila.
Madeline a ricibi un weekend stay na Caribbean Palm Villages, un certificado di regalo di Do It Center, y un car wash na Splash ‘n Dash!
Na segundo lugar, Abigael Arends a gana un sorpresa pa su tata, Rory Arends.
Abigael a gana un voucher di dinner pa dos persona na Fresco at Renaissance Aruba, y un car wash di Splash ‘n Dash!
Bon Dia Aruba ta gradici grandemente nos sponsors cu a haci e campaña aki posible, y alabes a duna un bunita regalo di Dia di Tata na e participantenan:
*Caribbean Palm Village
*Do It Center
*Fresco
*Splash ‘n Dash.
Ademas Bon Dia Aruba ta gradici tur nos lectornan cu a participa den e campaña di Dia di Tata, y ta invita pueblo pa keda pendiente pa nos proximo campañanan cu tremendo premionan den futuro!
