ORANJESTAD – E actividad organisa na Museo Historico Aruba tabata un di e mas bishita durante e celebracion di nos fecha nacional di 18 di Maart. E tabata un bunita ocasion pa nos bishitantenan y hendenan local por a disfruta y conoce un poco mas di nos historia y cultura.
Pero e biaha aki e actividad tabatin un dobel proposito. Kiermen no solamente destaca e balor di nos historia y cultura, sino tambe pa colecta fondo pa mantencion di e mesun museonan cu ta cay bou encargo di Fundacion Museo Arubano (FDA).
Diferente tent situa dilanti di Fort Zoutman tabatin bende diferente productonan, entre nan cuminda crioyo, artesania, cosnan dushi, bolonan, etc. Tambe pa crea ambiente festivo, tabatin diferente grupo di baile, caha di orgel y cantantenan cu a participa den festival di Aruba su himno y bandera.
