E prome grupo di boluntario Hulandes lo cuminsa test un vacuna contra coronavirus proximo luna, segun un vocero di compania farmaceutico Janssen Nederland na Leiden a bisa NOS.
E seleccion di boluntario pa e estudio lo cuminsa e siman aki, segun e vocero. Den total, 550 persona na Hulanda, Spaña y Alemania lo participa den e estudio. Di nan, 135 lo ta den tres diferente sitio na Hulanda.
Janssen, parti di e grupo farmaceutico gigante Johnson & Johnson, ya a cuminsa estudionan di e vacuna na Belgica y Merca, unda ta mas rapido pa haya permiso pa test humano. E estudio actualmente tumando luga ta involucra duna dos vacuna na e participantenan, cu ocho siman di diferencia.
“Na september nos lo mira na duna menos di e vacuna si por haci e periodo di ocho siman mas cortico”, lider investigado, Hanneke Schuitemaker a bisa Nieuwsuur e luna aki. Comision Europeo tin plan pa cumpra entre 200 miyon y 400 miyon dosis di e vacuna si esaki ta proba exitoso. Esaki probablemente lo ta spring proximo lo mas trempan.
