Abraham Condori, Boliviano di 36 aña, miembro di un fraternidad folklorico  a ser asesina na su cas, na “Lomas de Mirador” provincia di Buenos Aires, Argentina. E agresor a kita bida di e Boliviano pasobra e tabata haci hopi boroto.

E crimen a tuma lugar diasabra ora cu e Boliviano  y su famia tabata celebra un hacimento di aña. E personanan cu tabata den su cas a informa cu nan a scucha varios tiro y despues nan a mira cu a cende e cas na candela,  medio noticiero Erbol a comunica.

E cadaver di Abraham a keda kima den e parti ariba di su cas, cu ta situa na partido bonaerense di Matanza. “ tabatin tiro y despues di 10 minuut a cuminsa un candela riba e terasa. Mi a purba di paga e candela y mi no tabata sa cu mi casa tabata den e candela. Nos a paga e candela y di biaha bombero a bin” e muhe viuda a conta.

Abraham a ser asesina supuestamente pa su bisiña, cu tur hende conoce como “Gitano”. E tabata rabia pasobra e Boliviano tabata arma boroto tur biaha cu mashin di cose y cu musica halto.

E viuda a bisa cu e ta sigur di ken ta e asesino di su casa, pero tur hende eynan tin miedo di e suheto asesino pasobra nan por bira un victima nobo di e gitano den futuro.