Momento despues di haya e noticia di fayecimento di su casa, un ciudadano di Bolivia a dicidi pa bolbe un biaha mas pa mira e curpa di su casa, y el a sorprende un nurse ora cu e tabata abusa sexualmente di un curpa, suceso cu a ser denuncia pa autoridadnan.
E sucedido a ser confirma pa polis cu a identifica e suheto cu acusa como Grover Macuchapi. E suheto di 27 aña a keda deteni y el a sigura cu e no ta corda nada di e situacion.
Segun declaracion, e famia di e persona cu a fayece, di 28 aña, a sali un momento pa paga un suma na e hospital y despues a haya nan cu un situacion macabro. “Despues cu e muhe a muri e tabata na morgue di hospital, y famia a bay pa paga na cahero, y ora cu e casa a bin bek a mira cu e acusado di 27 aña tabatin relacion cu e cadaver di su casa,” subdirector di Forsa Anticrimen Douglas Uzquiano a splica.
“E ayudante di enfermeria tabata comete e delito di necrofilia,” el a bisa.
Di otro banda, e viudo a papia tocante e momento ora el a bin topa cu e situacion: “Ami a mir’e y a mi a dal e. E tabata move y tabatin su carson abao.”
Autoridad a splica cu e suheto Macuchapi lo keda procesa pa “profanacion y ofensa” , aunke algun specialista tabata busca otro figura penal pa haya un castigo mayor.
