Faltando seis siman pa e votacion, Bolivia a cuminsa ananlisa loke ta parce e posponemento di eleccionnan pa via di e crisis cu coronavirus.
Diahuebs ultimo tabatin un prome reunion na Tribunal Supremo Electoral entre su autoridadnan y representante politico di tur banda, cu excepcion di MAS cu tabata ausente.
E encuentro a desaroya den presencia di representante di Organisacion Mundial di Salud y Organisacion di Nacionnan Uni, cu a informa e representantenan politico riba e impacto di e pandemia. ONU a duna di conoce cu ta varios eleccioncu a keda posponi na varios pais rond mundo, den algun caso te hasta seis luna, segun e fuente a bisa.
A informa cu e encuentro cu e dirigentenan di e partidonan di Bolivia no ta liber di drenta den fase critico di “contagio comunitario”, loke ta pretende evita cu medidanan preventivo mas drastico como cuarentena y otro control. Di 17 caso confirma, mayoria di nan ta importa y tin algun local. Si haya caso comunitario, e crisis sanitario lo por alcansa su pico den un luna, kiermen den dianan cerca di eleccion.
Pa pospone eleccion, mester conta cu un ley aproba na Asamblea Legislativo, domina pa MAS. Gobierno y mayoria di partidonan ta espera cu TSE lo ta esun cu lo tuma e decision final.
Riba e plaso, nan ta papia di un minimo di tres luna y un maximo di seis. Organisacionnan social aliado na MAS den e asina yama Pacto di Unidad a adelanta diabierna ultimo cu no lo permiti e posponemento.
