Dos homber a logra cu su union civil a wordo keda registra na Bolivia pa via di un fayo di un tribunal di prome instancia, na un pais den cual e constitucion no ta reconoce e union entre personanan di mesun sexo.
Ayera diabierna e pareha a comenta cu despues di varios aña di lucha legal nan a conkista un obhetivo importante cu ta genera hurisprudencia pa cu otro union di mesun sexo lo ta reconoci.
“Nos ta sinti speransa y feliz pa cu nos derechonan di nos union liber di 11 aña lo wordo cumpli” David Aruquipa a bisa hunto cu su pareha, Guido Montaño.
Servicio Nacional di Registro Civico (SERECI) a emiti un resolucion pa duna cumplimento na un fayo di un corte di prome instancia cu registro di e pareha a dispone na juli aunke constitucion y Codigo di Famia ta reconoce e matrimonio di un pareha heterosexual so.
Aruquipa a admiti cu e noticia a causa pa nan un “sorpresa” pa motibo cu e mesun Sereci pa cuatro biaha a nenga pa cumpli cu e fayo hudicial y a manda un consulta na Tribunal Constitucional.
Bolivia ta un pais conservador cu e cual nan avance pa comunidad LGTBI ta hopi slow. Na 2016 a logra e prome paso importante ora a otorga cedula di identidad pa personanan transsexual y transgenero.
E pastoor evangelico Luis Aruquipa di Conseho Nacional Cristiano (CNC) -y ken no tin vinculo familiar cu David Aruquipa- a expresa su rechaso pa e decision y a señala cu un pareha ta conforma pa hende homber y hende muhe so.
E decision a wordo celebra pa comunidad di Lesbiana, Gays, Bisexual, Transgenero y Intersexual (LGTBI) di Bolivia y organismonan internacional.
