Ayera diahuebs a cuminsa un auditoria di OEA, pa aclara si a existi fraude den eleccionnan cu a duna como vencedor e presidente Evo Morales. Esaki a coincidi cu yamadanan pa calma e situacion na Bolivia, despues cu dos persona a fayece cu e ola di violencia cu e pais ta atravesa.
Tin cu ‘cuminsa cu e pacificacion di Bolivia’, e presidente a proclama, den un aparicion na sede di Gobierno na La Paz, unda a yama su siguidonan pa stop e blokeo di careteranan y tambe pa e opositor detene e protestanan contra Morales.
“Nos no ta enfrenta entre e Bolivianonan”, a insisti despues cu e anochi anterior a fayece dos persona den enfrentamento entre siguidonan di Morales y oposicion, e prome victimanan mortal di e explosion di violencia despues di eleccionnan di 20 di october.
Evo Morales a presenta despues cu cerca di su despacho, na sede di e Canciyeria di Bolivia, a presenta e prome tecniconan di Organisacionnan di Estado Americano (OEA) cu a yega na e pais pa examina e resultadonan di e eleccion y wak si ta existi un fraude na fabor di e presidente.
Su rival politico principal, Carlos Mesa, tampoco ta reconoce e auditoria, pa motibo cu tin relacion entre Gobierno y OEA, sin duna un bos pa esunnan cu ta denuncia e fraude.
Mesa a culpa e siguidonan di e partido MAS, partido di e presidente, pa e morto di dos persona e dia anterior na ciudad Boliviano di Montero, a su bes a pidi pa su siguido ‘no contesta cu mas violencia’.
