Duana di Bolivia a decomisa un carga di 75 arma di candela di uzo militar cu a sali for di Miami, cu destino na Santa Cruz, Bolivia. Minister di gobierno di Bolivia, Carlos Romero a indica cu segun un prome informe “e carga ta trata di 34 fusil di largo alcance, varios di nan cu mira telescopico y 41 arma manera pistol. E cargamento di arma tabata scondi den un container, caminda tabatin telefon y otro obheto tambe.
“Nos ta pensa cu arma ta di fabricacion Mericano, di Hungria, Serbia y Rumania y tur armanan ta di uzo militar”, a bisa. Duana a realisa un ristamento despues di haya sa cu e container a bay pa Republica Dominicana, Peru y Chile prome cu yega na Bolivia.
“Contenedor a bay alrededor di Bolivia y situacion aki tabata sospechoso y straño, anto nos a haci un siguimento”, Marlene Ardaya, Presidente di Duana a splica.
Autoridad di Duana a duna e armanan, cu a ser decomisa pa Forsa Arma. Romero a bisa cu ta investiga pa haya sa kende ta e propietario di carga aki, y ken a manda pa Bolivia. “Nos ta bay trece un solicitud pa canciyeria di Merca, pa solicita informacion riba persona cu a manda e carga aki”, Romero a bisa. “E carga tabatin un obhetivo ilegal”.
