Segun un relato manda pa Ministerio Publico, awe Procurador General di Aruba a adapta e richtlijn encuanto tene un telefon celular den man ora di stuur auto.
E cambio di Ley di 3 di augustus ultimo ta encera cu un persona cu viola e ley aki lo haya un boet di 500 florin. E castigo maximal ta detencion di un maximo di tres luna of un multa di 10.000 florin.
Tres luna pasa e ley cu ta prohibi tene un telefon den man ora di stuur auto a pasa. Ta trata di articulo 7a di Landsverordening Wegverkeer.
Tene un telefon celular den man tras di stuur pa sea haci yamada, manda mensahenan, wak Facebook of potret, saca selfies, ta forma un peliger pa seguridad di trafico. E chofer ta wordo distrai na un momento asina y tin ademas un man so disponible pa stuur auto.
