(CuraçaoChronicle) – Un problema tecnico cu un di e mashinnan na Dokweg a causa un blackout significante dialuna atardi, afectando varios bario na Corsou. Aqualectra, e compania di utilidadnan di Corsou, a anuncia esaki den un declaracion cu nan a publica alrededor di 11or di anochi.
Inicialmente, Aqualectra a reporta cu e barioann di Montaña, Nijlweg, Weis, Kas Chikitu, Irlaanweg, Seru Molina, y rosendaal no tabatin coriente. Sinembargo, pa 11:30d i anochi a ripara cu e blackout a plama na areanan adicional na esnan cu e compania a nombra inicialmente.
E lista expandi di barionan afecta a inclui barionan manera Koraal Specht, Dominguito, Marie Pampoen, Vredenberg, Salina, y Santa Rosa. Partinan di Santa Maria y Buena Vista, Kanga, Dein, Kwartje, Marchena, seccionnan di Loraweg y partinan di Amerikanenkamp tambe a experencia perdida di coriente. Aqualectra no a provee informacion riba e otro areanan afecta.
E blackout aki a causa varios keho riba rednan social, unda varios residente a cuminsa expresa nan frustracion pa motibo cu nan no por a drumi a causa di e calor y e falta di electricidad. Den mayoria area, e electricidad a bini back despues di di 2 ora.
