Sociedad Internacional di Biyete Bancario (IBNS, sigla na Ingles) a eligi e biyete di 100 florin di Aruba cu esun mas bunita di 2019, triunfando riba e otro 21 papel di moneda nomina.
Pa esaki, Banco Central di Aruba a ricibi e premio ‘Biyete di Aña 2019’, pa cual nominacion a cera na januari 2020 y a pone den competencia 22 biyete di distinto parti di mundo, manera Suisa, Irlanda, Noruega y Singapore.
Desde 2004, IBNS – funda na 1961 pa coleccionista di biyete y moneda – ta duna premio na e miho biyete di aña basa riba su aspectonan estetico, artistico y di siguridad. E diseño di biyete di 100 florin di Aruba den color berde esmeralda ta presenta un imagen di un yuwana dilanti, y patras muhenan ta balia cu cinta, den berde y blauw.
