Ayera den oranan di atardi, DVG a duna e ultimo update pa e situacion di pandemia Covid-19 na Aruba. Den esaki a indica cu den update di ayera a conta 22 caso nobo di Covid-19.
Di e 22 caso nobo, 1 so ta no-residente. E casonan nobo aki a hiba e total di casonan activo na 1,222, mientras e total di test cu a haci tabata 245.
Ademas, hospital a informa cu te cu ayera nochi tabatin 32 persona interna den hospital, di cual 8 tabata den unidad di cuido intensivo y 24 tabata isola den piso general.
