(AP) — Bill y Melinda Gates a anuncia cu nan ta divorciando.
E co-fundador di Microsoft y su esposa, kende a lansa e fundacion caritativo di mas grandi na mundo, a bisa cu nan lo continua trahando hunto na e Fundacion Bill & Melinda Gates.
Den tweetnan identico, nan a bisa cu nan a tuma e decision pa termina nan matrimonio di 27 aña.
“Nos a cria tres yiu increibel, y a construi un fundacion cu ta traha rond di henter mundo pa permiti tur hende biba bidanan saludabel y productivo”, nan a bisa den un declaracion. “Nos ta pidi pa espacio y privacidad pa nos famia mientras nos ta cuminsa nabega e bida nobo aki.”
Aña pasa, Bill Gates, anteriormente e homber mas rico di mundo, a bisa cu e tabata retirando di e hunta di Microsoft pa enfoca riba filantropia (actonan caritativo).
Gates tabata CEO di Microsoft te aña 2000, y desde e tempo ey, gradualmente a reduci su participacion den e compania, cual el a funda hunto cu Paul Allen na 1975. El a transiciona for di un rol dia pa dia na Microsoft na 2008, y a sirbi como presidente di e hunta te aña 2014.
