(AP) – President Joe Biden ta confiando den miyones di test mas lihe y casero pa purba combati e ola nobo den e pandemia di COVID-19, cu ta abrumando hospitalnan y menasando di cera scolnan den e pais.
Pero e testnan ya caba a disparce di boticanan den gran parti di Merca, y e companianan ta adverti cu lo dura simannan largo prome cu nan por aumenta y acelera e produccion, despues di a baha e cantidad di produccion pa motibo cu e necesidad pa esaki a cuminsa baha.
E escasez actual ta otro recordatorio doloroso cu Merca te ainda tin cu maneha exitosamente e area di testnan di COVID-19, y tambe crea un manera sistematico necesario pa por combati inmediatamente brotenan na scol, trabao y otro partinan di comunidad.
Expertonan ta bisa cu algun señal anteriormente a pinta un imagen hopi mas positivo, cual a causa un confiansa falso den e disminucion di testnan cu e cantidad di casonan bahando, e cantidad di vacunacion aumentando y guia di oficialnan di salud bisando cu e hendenan vacuna no tabatin necesidad di test. Oficialnan a hala atras e conseho aki den bista di aumento den casonan y mortonan a causa di e variante delta.
“Pa nos tur, tabatin un combinacion di optimismo den e tempo ey, cual a causa cu nos a cuminsa kere den e fin di e pandemia, y mira esaki mas cerca di loke e tabata,” Mara Aspinall, un investigado di industria di salud na Arizona Stat Uiversity a bisa, ken a bira un autoridad den e productonan pa test COVID-19.
Colorado su Mesa County ta entre e gobiernonan local cu a stop di ofrece e testnan rapido aki como parti di nan programa di test gratis pa e pueblo general.
“Nos tabata mirando un escasez di testnan den henter e ciudad, kiermen nos a mira nos mes den posicion di pone prioridad na nos districtonan di scol pa tin un cambio grandi den testnan, y yuda nan si tin mester,” Stefany Busch a bisa, vocero di e ciudad. El a nota cu e testnan ta procesa den laboratorio, cual ta tuma mas tempo pa duna resultado, te ainda tin den abundancia.
