(AP) – President Joe Biden riba diamars a firma un proposicion di 280 biyon dollar pa mehora e fabricacion di tecnologia halto domestico, como parti di administracion su empuhe pa mehora competencia riba China.
Proteha pa oficialnan di e union, politiconan local y lidernan den negoshi, Biden a elogia e legislacion, un parti clave pa su agenda economico cu lo motiva inversion den e industria di semiconductor Mericano, como parti di un esfuerso pa disminui Merca su dependencia riba e suministro internacional pa articulonan critico y tecnologico.
“E futuro di e industria di chip lo ser haci na Merca,” Biden a bisa durante e ceremonia diamars na Rose Garden, refiriendo na e dispositivonan diminutivo cu ta duna poder na tur cos, for di smartphone, computer te na vehiculonan. E legislacion ta pone un banda 52 biyon dollar specificamente pa inversion den e sector di chip pa computer na Merca.
E proposicion tin mas di 1 aña den desaroyo, pero finalmente a logra pasa door di ambos parti di Congreso luna pasa cu margen significante. E Senado a aproba esaki cu 64-33, cu 17 Senador GOP sosteninedo esaki, mientras cu e Cas rapidamente a sigui esaki cu un voto di 243-187, unda cu 24 republicano tabata na fabor, aunke e lidernan di partido a urgi nan miembronan pa vota contra di esaki, despues cu e Democratanan a logra pasa un proposicion cu ta enfoca riba clima y cuido di salud.
E cas blanco a busca diamars pa cuminsa bende e impacto inmediato di e medida di semiconductor, notando cu e fabricante lider di chip na Merca, lo anuncia un plan di 40 biyon dollar pa aumenta e produccion domestico di chipnan, mientras cu Qualcomm y GlobalFoundries lo revela un expansion di 4.2 biyon dollar na planta di chip na New York.
