(AP) — Presidente Joe Biden ta ricibiendo presidente Colombiano, Gustavo Petro na e Cas Blanco pa combersacionnan proximo siman, ofreciendo un bishita di perfil halto pa e lider iskierdista kende a priminti di trece “paz total” na su nacion di 50 miyon persona despues di seis decada di conflicto.
Secretario di Prensa di Cas Blanco, Karine Jean-Pierre a bisa den un declaracion cu Biden y Petro durante e bishita dia 20 di april proximo ta bay discuti cooperacion economico y di seguridad como tambe esfuersonan pa combati cambio climatico, combati traficacion di narcotico, migracion y mas.
Gobierno Colombiano y su grupo rebelde restante di mas grandi – e Ehercito di Liberacion Nacional, ELN, inspira pa comunismo – a lansa negociacionnan na november, tiki despues di eleccion di Petro como presidente. Petro a referi na e negociacionnan cu ELN como un punto clave di su plan destina pa resolve un conflicto cu ta bay back na añanan 1960.
Algun area rural di Colombia ainda ta bao control di gang di droga y gruponan rebelde a pesar di un acuerdo di pazna 2016 cu e grupo mas grandi Forsanan Arma Revolucionario di Colombia, FARC.
