Dia 20 di augustus ta celebra ’75 aña trabou di biblioteca na Aruba’. Biblioteca Nacional Aruba ta un biblioteca multifacetico den sentido cu e ta un biblioteca publico cu ta presta buki y duna informacion na publico, un biblioteca cu ta sostene scolnan, un biblioteca nacional cu ta conserva patrimonio cultural di Aruba y un lugar unda ta sostene y promove expresionnan cultural.
Trabou di biblioteca na Aruba a desaroya durante añanan como tambe e forma pa warda/conserva material. Biblioteca a crece hunto cu e comunidad Arubano y ta posiciona su mes fuertemente den cuadro di educacion continuo pa tur. Pa expresa e crecemento, ambiente, conexion cu comunidad a rebiba e logo. Muy en particular e Font y e colornan. E forma a keda mes cos, como cu esey ta hopi conoci caba. E blokinan ta representa lomba di buki y un mundo di buki y informacion. E logo ta diseña na un manera, pa apela na tur grupo meta.
E blokinan: ta expresa cu Biblioteca ta yuda construi y contribui na un comunidad bon informa. Pensa por ehempel na construccion di un Centro di Informacion completo, contribui na engrandece conocemento en general y contribui na informa tur miembro di comunidad.
E letranan ta duna un efecto fluido, habri, flexibel y suave.
E colornan ta moderno, yen di energia, bibo y ta hala atencion.
Logo bieuw como referencia: 
