Pasahero cu ta biaha di Boneiro pa Hulanda no mester haci un PCR test y na yegada aya nan no tin mester di bay den cuarentena tampoco. Asina doctor Marian Luinstra-Passchier di departamento di Salubridad Publico a declara.
Ministerio di Salubridad Publico, Bienestar y Deporte (ministerie van Volksgezondheid, Welzijn en Sport, VWS) a anuncia 23 di december cu entrante 29 di december tur pasahero cu ta biaha di exterior pa Hulanda mester haci un test di PCR, e resultado mester ta negativo. Na yegada na Hulanda nan mester bay dies dia den cuarentena.
E Ministerio a tuma e medida ey como cu nan ta preocupa cu e virus nan cambia cu a surgi na Inglatera y na Sur Africa. E virus cambia por surgi na otro Pais tambe. E medida di e Ministerio ta conta pa tur pais cu riesgo halto. Boneiro no ta un pais cu riesgo halto, Pasahero cu ta viaha di Boneiro pa Hulanda no tin mester di worry cu nan mester haci e test y bay den cuarentena.” asina Luinstra-Passchier a bisa.
Pa mas informacion: https://www.rijksoverheid.nl/onderwerpen/coronavirus-covid-19/reizen-en-vakantie/inreizen-doorreizen-nederland-en-het-eu-inreisverbod/reizigers-van-buiten-de-eu-schengen
