(TMZ) – Beyonce su mama ta furioso cu tur e personanan cu a converti su yiu su imagen di promocion pa Tiffany den un controversia pa cu diamante di sanger.

Tina Knowles, mama di e artista conoci Beyonce, a publica comentario riba di e red social Instagram, tocante “activistanan social consciente” cu a critica su yiu pa a bisti e diamante di 128.54 carat cual ta di un mina colonial na Kimberley, Sur Africa.

Beyonce ta solamente e di 4 hende muhe cu a yega di bisti e diamante iconico, y e prome muhe di color scur, como parti di Tiffany & Co. su campana nobo “About Love”, cual tambe ta inclui su casa Jay-Z.

Aparentemente Beyonce no tabata a cu e diamante ta un diamante di sanger, cual ta laga atras e duda, Beyonce a ser ganja pa logra cu el lo bisti e diamante den e promocion? segun reportahenan Beyonce ta furioso cu e no a ricibi e informacion prome cu e sesion di potret ni na momento di a ser ofreci e promocion.

Diamante di sanger ta diamantenan cu ta sali for di minanan cu ta den arenan unda cu guera a tuma luga, y cu a ser bendi como producto di un pais su intentonan di invadi, of cualkier otro intencion maligno. E termino ta ser usa pa simbolisa e consecuencianan negativo di e benta y trata di diamante den cierto areanan. E resultado tragico di e trata aki di diamante por ta entre hopi otro cos, perdida di bida, matansa y abusonan increibel di derechonan humano.

Diamantenan cu ta motiva gueranan civil ta ser yama diamante di sanger of diamante di conflicto. E diamante en cuestion di 128.54 carat, ta un diamante di conflicto, of tambe un diamante di sanger.

Hopi di e personanan criticando, no a presta atencion na esaki y a sigui critica su persona pa a bisti e diamante aki, y promociona esaki, sinembargo su mama Tina, no ta di acuerdo cu e criticanan.

Knowles a dirigi su mes na e personanan publicando critica den contra di su yiu, publicando un comentario bisando “Cuando di boso activistanan socialmente consciente tin diamante? Esey mi a kere. Bo a purba di check di unda bo diamante a bini? Probablemente no. Kiermen ora cu boso compromete, wak pa boso check di unda e diamante den bo renchi ta bini, ya cu boso ta asina husto y corecto.”

Knowles su punto ta, cu cualkier persona cu tin un renchi di compromiso of ta dono di algun diamante probablemente no a busca drechi tocante su origen, expresando cu tur e personanan criticando su yiu ta hipocrita.

Esaki ta un punto husto, mas sinembargo no ta un punto cu lo para e criticanan di sigui bin den contra di su yiu.

Di cual, riba di e red social Twitter, hopi hende a cuminsa defende Beyonce, senalando cu no tabatin ningun tipo di critica ora cu Lady Gaga a bisti e diamante di Tiffany na e evento di Premionan Oscar den aña 2019.

Prome cu Lady Gaga, e diamante solamente a ser bisti pa Mary Whitehouse y Audrey Hepburn. Claramente cu den e temponan ey no tabatin rednan social, pero tambe e termino y historia tras di e diamante di sanger no tabata existi of conoci ainda.