Minister di Enseñansa, Ciencia y Desaroyo, Rudy Lampe a declara cu e grupo di studiante cu ta biahando Hulanda pa sigui nan estudio superior, nan a haya prestamo di estudio, tanto na Aruba como na Hulanda mes.
E mandatario a bisa cu na inicio di augustus nan tin programa entre 2 pa 3 di e proximo luna, e vuelonan di studiantenan cu Arubalening a duna prestamo di estudio pa bay Hulanda. Tin otronan studiantenan cu ta opta pa e Duo lening na Hulanda. E tipo di prestamo aki lo facilita pa nan por sigui nan estudio na Europa.
“Esey ya ta den planificacion y lo continua,” el a bisa. Segun e mandatario e studiantenan aki nan prestamo di Arublening a wordo libera.
Gobierno a yega di informa cu e ayudo financiero den forma di prestamo di estudio ta depende di e facilidad financiero di Hulanda condiciona na e landspakket. Sinembargo diahuebs ultimo, hunto cu e anuncio di un directiva nobo di SVOA pa maneha Colegio Arubano, minister Lampe a declara na Bon Dia Aruba, cu papiando di e institucion educativo aki hopi di esnan cu a caba nan estudio ta haya e tipo di fiansa aki. A pesar di e crisis cu nos ta pasado aden, nan tin acceso na e facilidad aki.
Tambe el a referi – mencionando ex presidente di e directiva anterior di SVOA – cu e cantidad di graduado a subi den e ultimo tres añanan. Di nan hopi di nos hobennan di Colegio ta sigui nan estudio superior na Hulanda.
