(NLTimes) – Organisacion di bienestar di bestia ta urgi usuarionan di rednan social pa no like, share ni duna donacion na videonan di bestianan cu ta ser rescata.
Varios di e videonan aki ta falsifica, cu bestianan deliberadamente poni den peliger pa haya like y donacion. “E ta un moda straño: videonan di pushi, macaco of cachonan baby cu ta ser rescata for di situacionnan cu ta menasa nan bida pero nan a ser poni den e situacion ey deliberadamente,” Social Media Animal Cruelty Coalition (SMACC) a declara, cual ta inclui World Animal Protection Netherlands.
SMACC a investiga e videonan di rescate aki cual frecuentemente ta circula riba rednan social y a haya 1,022 falso den un periodo di 76 siman. E videonan tur tabata extremadamente popular, cu un total di mas di 572 miyon bista.
“E contenido di e videonan ta impactante. Nos a mira pushinan dera bibo y macaconan poni contra un colebra peligroso. Algun video ta inclui un yamado pa donacion, supuestamente pa salba mas bestia. Pero e creadornan aki ta deliberadamente pone den peliger bestianan indefenso djis pa un momento di viralidad. E tabata doloroso pa mira,” Sanne Kuijpers di World Animal Protection Netherlands a bisa.
