E frutanan y berduranan congela ta un parti importante di un dieta saludabel, ya sea cu e ta fresco of congela. E frutanan y berduranan congela tin e mesun nutrientenan cu esunnan cu su contrapartinan fresco y por tin beneficionan adicional, por ehempel cu e ta menos costoso y conviniente, segun Shanon Whittingham, nutricionista certifica cu practica priva na Brooklyn.
“Congela ta mesun bon cu fresco “, Whittingham a bisa na Insider. “Tin algun pro y contra den cada un, ami gusta tin tur dos na man y mi gusta mesclanan”.
E berduranan y frutanan no ta perde nutrientenan durante e proceso di congelacion
E frutanan y berduranan cu ta destina na wordo bendi den forma congela ta wordo reconoci den su punto maximo di madurez, segun Whittingham. Despues nan ta conserva mediante na un proceso di congelacion cu no ta daña significativamente na e balor nutricional di e producto.
Manera resultado, e productonan congela ta sigui ta rico den :
Vitaminanan : A,B,C,D,E y K ta esencial pa e salud humano ya cu nan ta yuda mantene bo celulanan saludabel y e organonan ta converti e alimentonan den energia y ta respalda bo sistema inmunologico.
Mineralnan : incluyendo calcio, potasio, sodium, hero y zinc tambe ta necesario pa tene wesonan y djentenan fuerte, musculonan sano y un sistema nervioso cu ta funciona bon.
Fibra : un nutriente importante pa salud digestivo y cu potencialmente ta preveni enfermedadnan manera cancer.
Fitonutrientenan : compuestonan di origen vegetal como polifenol y flavonoide cu ta yuda reduci e inflamacion y ta brinda beneficionan antioxidante, disminuyendo e riesgo di algun enfermedadnan.
E berduranan y frutanan congela por spaar bo tempo y placa
E productonan congela por incluso tin algun bentaha riba esunnan cu ta fresco. Den un banda, e productonan fresco diariamente ta wordo recolecta prome cu nan ta completamente maduro y ta wordo manda na distancianan largo, segun Whittingham.
E productonan fresco tambe por pasa algun tempo den e frishider di e tienda di comestibelnan prome bo termina den bo cushina, loke por reduci un poco den e balor nutricional. O bien, e por daña door di keda den bo frishider si e no ta wordo uza na tempo, loke por ta un desperdicio di cuminda y placa.
Por lo contrario, e productonan congela por wordo almacena facilmente te cu aña sin perde calidad, Whittingham a bisa. Tambe e por ta mas barata cu e productonan fresco y e conveniencia di almacena productonan congela ta significa cu e por wordo disfruta incluso di frutanan y berduranan di temporada durante full e aña.
Tene na cuenta e aditivonan manera sucu, salo of otro sausnan
Sin embargo, e unico inconveniente di e productonan congela ta e textura y e sabor di e producto por cambia durante e proceso di congelacion y descongelacion.
“Por cu e no lo ta firme, e por ta muha y por tin mas awa” Whittingham a bisa na Insider.
Manera resultado, algun productonan congela por wordo bendi cu edulcorante, salo of salsa pa conserva e sabor y e textura. E ingredientenan adicional por aumenta e contenido calorico di su productonan : algo pa tene na cuenta si ta tratando di controla bo peso of evita e sucunan agrega. E sodium of salo adicional tambe por ta un factor pa e salud.
“Si bo ta tratando di controla bo presion arterial, ta atento di esaki, pasobra sali ta den tur cos awendia” Whittingham a bisa.
E productonan congela tin menos aditivonan cu e productonan di bleki, e la bisa. e frutanan y berduranan den bleki ta wordo empaketa cu mas conservantenan ( incluyendo sucu, diariamente den forma di remedi, asina manera azeta y mas salo ).
Pa evita cualkier aditivo sorpresa, Whittingham ta recomenda lesa e etiketa detenidamente prome di cumpr’e. Busca productonan cu ta contene solamente e frutanan y berduranan anuncia, sin niun otro ingrediente.
Tambe e ta recomenda cumpra versionnan organico di e productonan congela semper cu e ta posibel, ya cu probabel e lo por ta mas barata cu e productonan organico fresco y no ta contene pestides sintetico.
Con bo ta cushina bo berduranan ta mas importante cu si bo ta come nan fresco of congela
Tanto e productonan fresco como esunnan congela por ta un bon fuente di nutrientenan, pero tambe e ta importante e forma cu bo ta cushina e berduranan/
Algun berdura lo tin mas o menos e vitaminanan of mineralnan dependiendo di con nan ta wordo prepara segun Whittingham, ya cu cierto nutrientenan ta bira mas disponibel pa nos curpa cu diferente tecnicanan di cushina.
“Esey ta simplemente pasobra cierto vitaminanan y mineralnan ta descompone door di wordo exponi den calor of luz y oxigeno y cierto vitaminanan y mineralnan ta activa na expone e calor, e luz, e acido of e vet” e la bisa.
Por ehempel, e nutrientenan liposoluble como e vitaminanan A,D,K y E ta wordo absorbe mas facilmente den presencia di vetnan. Pa probecha e maximo di e productonan rico den e nutrientenan aki, sate esaki den un tiki di vetnan cu ta mas saludabel, manera azeta di olive of sesami oil un ehempel, prome di come, ta recomenda Whittingham. Purba e tecnica aki cu alimentonan como berduranan di blachi berde, pimenton, mushrooms, espragues y tomati.
Den otro banda, e productonan agricola tambe por perde nutrientenan den e proceso di cushina. Herbe, por ehempel, por reduci e disponibilidad di vitaminanan soluble den awa como e vitamina C, Vitamina B y acido folico. Pa retene e nutrientenan aki den e productonan manera brocoli, e cole, wortel, ta miho cushinanan al vapor, segun Whittingham.
Pa hiba manera informacion privilegia
E berduranan y frutanan congela por ta mesun saludabel cu esunnan fresco, aunke e por varia na e sabor y textura.
Bo miho opcion ta cumpra productonan congela sin aditivonan y disfruta esaki hunto cu productonan fresco di temporada cuando e ta disponibel pa maximisa e comodidad y reduci e desperdicio di alimentonan. Por lo ultimo, cushina e berduranan di forma adecua, ya sea al vapor of sate den vetnan saludabel, pa obtene e mayor di e balor nutricional.
