PPA for di pafo di parlamento a duna nos posicion pa cu tanto LAFT pero tambe riba e intencion di gobierno Hulandes pa introduci tanto un RFT (Rijks Financieel Toezicht) como e extra control riba e finanzas cu Aruba lo presta for di Hulanda un par di dia prome cu nos Prome Ministro Wever Croes a biaha mes pa Hulanda.

En corto posicion y opinion di PPA ta:

‘Eror historico di e gobierno anterior tabata pa permiti un control financiero pa medio di LAFT y presencia di CAFT pa Aruba!

Despues cu bou di iniciativa di MEP a tene un marcha unda pueblo a protesta y parlamento a wordo destrui mientras a cende propiedad priva na candela riba caretera ningun hende por a kere cu e propio Lider di MEP Sra. Evelyn Wever Croes lo a bay di acuerdo pa laga LAFT keda pa 3 aña mas.

Esaki a causa un diferencia di opinion serio entre Gobierno y nan propio coalicion den Staten. Y esnan cu por corda lo corda declaracion di PPA fecha 6 di juni 2019 den cual nos a bisa ‘Gobierno a cay pero No kier bay!’ Pasobra e realidad politico ta cu gobierno di Aruba a cay e fecha ey y normalmente cualkier otro constelacion di gobierno lo a dirigi nan mes na Gobernador di Aruba y entrega nan retiro.

‘Eror historico di nos actual gobierno Wever Croes ta e protocol di 22 november 2018 cu e cu Min FEC a firma sigui pa eror di e propio di Staten cu kier a haci algun cambio den e ley di LAFT lagando e rol di Rijksministerraad completamente afo.

Pa colmo sigui pa otro eror historico esta e peticion pa ayudo Hulandes basa riba un LAFT caduca en vez di Statuut articulo 36 so!

PPA a declara tambe cu nos pueblo no mester keda sorprendi cu Hulanda tin Aruba lomba contra muraya. ‘Ta schroef Hulanda ta schroef Aruba’ a consecuencia di e incapacidad di nos gobierno actual y nos constelacion di Staten!!

Tambe PPA a declara cu Hulanda a colonisa Aruba pa 300 aña of mas.

Hulanda a sclavisa nos tambe. Statuut ta e unico acuerdo cu Hulanda a firma cu nos ora a duna nos autonomia insular na 1954 sigui pa Status Aparte na 1986. E unico garantia cu Hulanda a duna e islanan pa e 300 aña di colonisacion y sclavitud ta capitulo 3 di Statuut articulo 36 etc. Unda ta para cu Hulanda lo mester para garantia pa eventual yuda e islanan … eigenlijk Statuut ta bisa cu tur pais lo para garantia pa otro pero den practica e ta mas e pais economicamente lo yuda demas pais.

Covid 19 no mag wordo usa pa Hulanda pa impone ningun condicion ‘sin mas’ riba Aruba. Hulanda mester yuda… punto… y si no Aruba lo mester bati na e bel di algun instancia Internacional … no por entrega nos autonomia/status aparte y no mag acepta condicion sin mas y sigur no den apenas 4 dia… Aruba mester para pa e principio ‘ cu nos ta ‘baas den nos mes cas’ y lo no acepta condicion awor aki ‘PPA tabata contento ora esnan cu atende cu e reunion cu un par di Lider Politico cu Min Pres grandemente a bin para banda di PPA su conclusion, casi por bisa cu a tuma posicion di PPA over !!

Na Hulanda sinembargo no a logra mucho…

Segun opinion humilde di PPA! A splica cu a logra mas tempo pa sigui negocia un acuerdo rond di e condicionnan di Hulanda. Algo cu PPA no ta comprende pasobra e posicion cu Aruba a tuma tabata cu Aruba ta rechasa tanto e ‘Entidad Hulandes’ cu Hulanda kier bin cunele como e pakete di 18 condicion(Hervorming) cu Hulanda kier a impone riba Aruba den apenas 4 dia. Con por sigui negocia ora e posicion di Aruba tabata pa rechasa ambos? Manera PPA a bisa for di inicio cu COVID 19 a drenta …awo a base di Statuut ta Hulanda su deber pa yuda e islanan den cual Aruba tambe! Sin negocia …esta sin acepta Ni RFT NI e condicionnan Hulanda basa riba Statuut mester yuda y no por permiti pa den wowo di mundo laga e islanan den cual Aruba su poblacion ‘krepeer di hamber’ y Hulanda staatssecretaris Knops a accentua esaki debidamente! PPA a bolbe haya rason aki!

Staten su esfuerso pa cambia e Laft …kitando e control di rijksministerraad ta causa cu Hulanda ta bin cu e Rft awe!

Esaki staatssecretaris Knops a contesta den entrevista cu NoticaCla na un forma hopi cla mes. E pregunta cardinal esta di con Aruba cu tabata cumpli grandemente cu e LAFT caduca of miho bisa e protocol di november 2018 firma pa gobierno di Aruba cu Hulanda awor mester bay guli un RFT (Rijks Financieel Toezicht!)? Di con?

Staatsecretaris Knops a contesta e pregunta aki den un entrevista cu NoticiaCla.

El a splica claramente cu Staten di Aruba a haci un esfuerso aña pasa door di pasa algun amandement den Staten den cual a hala e control for di RijksMinisterraad y pasele pa Staten di Aruba mes algo cu RijksMinisterraad no por a acepta. Awor segun Knops nan a logra para e proceso dus e no a bira Ley pero nan no por keda keto y permiti cu den futuro un otro esfuerso wordo haci p’esey a dicidi di introduci un RFT pa Aruba tambe!!

Cu otro palabra e falta di ‘experiencia y bista politico’ di e fraccionnan den Staten specialmente di parti di coalicion mes a causa e ‘chapiter amargo’ aki pa pais Aruba!!

Tin bes bo por tin hasta rason ‘constitucionalmente’ pero simplemente e No ta duna pa bo haci e esfuerso aki! Awe Aruba ta pagando caro p’e… mientras Staten ta den un silencio hermetico!

Conclusion di PPA:

Conclusion di PPA ta keda cu desde 1954 despues di mas cu 300 aña di colonisacion y sclavitud e Islanan a ricibi un Statuut unda nan a ricibi e.o. e garantia pa medio di capitulo 3 cu ta papia claramente di ‘Samenwerking, Hulp en bijstand’. A pesar cu e ta conta pa tur pais den Reino pa yuda otro y e Islanan den Caribe a cumpli cu esaki despues di e ‘problema di overstroming na 1953’ y hasta prome cu Statuut durante guera e islanan a duna Hulanda sosten den tur sentido cu nan tabata por! Awo Covid 19 a trece e prome momento pa Hulanda carga su responsabilidad basa riba Statuut. Ta bisto cu Hulanda no ta contento cu esaki y kier usa esaki pa impone cierto condicion cu NO ta competencia di Hulanda. Hulanda ta trapando nos autonomia, nos Status Aparte y esey mester wordo bisa claramente y keda para riba esaki. Fuera di e ayudo pa ‘yuda e trahadonan y negoshinan’ PPA ta haya falta di ayudo economico Hulandes pa inverti den desaroyo economico cu e meta pa ‘diversifica’ nos Isla debidamente. PPA ta spera cu e asina yama ‘negociacion’ no conduci cu Aruba lo entrega un otro parti di nos Status Aparte cu a logra bou liderato di Sr. Gilberto F. Betico Croes qepd!

Status Aparte ta un expansion di nos autonomia Insular y Aruba mester preserva debidamente.

Aruba 12 di juli 2020 Secretario General di PPA

BENNY NISBET